Рекламный баннер 728x90px center-top
Әниләр бәйрәме бүген,
05:44
25.11.2024 16+
Әниләр бәйрәме бүген,Бу көн үзгә, якын күңелгә.
Күңелләргә җылы хисләр тула,
Әниләрнең кадерен белергә.
Борчысак та, кайчак уйламыйча,
Белми әйтсәк сүзнең чамасын,
Әнкәй генә кичерә ала безне –
Газиз бала, йөрәк парәсен.
Ана күңеле баласында, диләр,
Бала күңеле, диләр, далада.
Күпме изгелекләр эшләсә дә,
Түли алмый кайсы бала да.
Уйлар өчен Аллаһ акыл биргән,
Яратырга йөрәк бирелгән.
Үз язмышын кеше үзе төзи,
Чыгып әни тәрбиясеннән.
Бәйрәм белән котлыйк әниләрне,
Уртак булсын безнең уңышлар.
«Әни» диеп типсен һәрбер йөрәк,
Әни өчен булсын сулышлар.
Оставить сообщение: