Рекламный баннер 990x90px bantop

АРЧА МУНИЦИПАЛЬ РАЙОНЫ

13:23 19.08.2025 16+
АРЧА МУНИЦИПАЛЬ РАЙОНЫ
ТАТАР ТЕЛЕ ҺӘМ ӘДӘБИЯТЫ УКЫТУЧЫЛАРЫНЫҢ
АВГУСТ КИҢӘШМӘСЕ

18 нче август көнне Арча 6 нчы номерлы урта мәктәбендә “Мәгариф системасындатуган телләрне саклау һәм үстерү:страгедия һәм технологияләр” исеме астында татар теле һәм әдәбияты укытучыларының август киңәшмәсе секциясе узды.
Кинәшмәдә укытучылар алдында Арча муниципаль районы мәгариф бүлегенең милли белем һәм төбәкара бәйләнеш буенча методисты Э.Г.Мостафина чыгыш ясады. Энҗе Габдулатҗан кызы районыбызның татар теле укытучыларын үткән уку елы эш нәтиҗәләре һәм киләсе уку елына булган бурычлар белән таныштырды. “Хәзерге заман белем бирү киңлегендә туган тел: мәсьәләләр, казанышлар, перспективалар һәм яңалыклар” темасы астында район татар теле укытучыларын яналыклар, казанышлар белән методик берләшмә җитәкчесе М.Р.Әүхәдиева таныштырды. Борчыган проблемалар турында фикер алынды.. Киңәшмәдә Арча муниципаль районы туган (татар) тел һәм әдәбият укытучылары ассоциациясе җитәкчесе А.М.Файзуллина эшләнелгән эшкә анализ ясады. Үзенең чыгышында район күләмендә ассоциациянең нәтиҗәле эшчәнлеген тәэмин итү, укытучыларга фәнни-методик ярдәм күрсәтү, татар теле һәм әдәбиятын укыту белән бәйле белем бирү проектларын гамәлгә ашыруда инициатива күрсәтү, уку ярдәмлекләре, методик материаллар һәм программалар эшләү, мәгарифтәге заманча тенденцияләрне күзәтеп бару, инновацион методикаларны алга сөрү һәм татар теле һәм әдәбиятын укыту мәсьәләләренә тукталып китте.
Кинәшмәдә татар теле һәм әдәбияты укытучылары Валиева И.Ф. милли мәгарифне үстерүдә проектлар эшчәнлеге, Нигъмәтуллина Л.С. укучыларны туган телдән төп дәүләт имтиханына әзерләү һәм Хәсәнова Л.М. заманча технологияләр кулланып, дәресләрдә укучыларның функциональ грамотлыгын үстерү буенча чыгышлар ясадылар.
Район методик берләшмә эшчәнлегендә актив катнашкан укытучыларга рәхмәт хатлары тапшырылды.
Туган теле барның – милли юлы бар, милли йөзе бар, шәхес буларак үзе бар, кеше буларак абруе, кадер-бәясе, хөрмәте бар. Газиз туган телебез – татар телен кадерлик, яклыйк, саклыйк!
1106

Оставить сообщение:

АРХИВ ВЫПУСКОВ
Рекламный баннер 300x250px 300na250
МЫ В СОЦСЕТЯХ
Рекламный баннер 300x600px 300na600
ПОЛЕЗНЫЕ РЕСУРСЫ